逸之燒 (已結業)

之前食過一次,尋日突然想起,同屋企人再次幫襯,價錢都係咁抵食,而且味道唔錯。我哋叫咗沙律、壽司、串燒、兩款熱食和甜品, CP值高🦀蟹籽沙律以青瓜絲配上沙律醬加上蟹籽增加口感,成個沙律好fresh 好開胃🍣吉列蝦芝士反卷🦐外層有一塊厚厚芝士包住脆卜卜嘅蝦,多重滋味🥓串燒1️⃣汁燒月見免治雞肉棒-先清食一口雞肉棒,啖啖雞肉十分juicy,再沾上生雞蛋和醬汁,香滑可口2️⃣汁燒豚肉金菇芝士串-豚肉加上金菇好爽口,豚肉味香濃,食時肉汁流出,味道很好3️⃣煙肉露筍串-薄薄的煙肉包住露筍,煙肉同清新的露筍合二為一,味道好夾4️⃣黑椒豬頸肉串-豬頸肉肥瘦適中,食落幾嫩滑,唔韌之外仲好爽口🥘安格斯牛小排壽喜燒鍋物有牛肉、温泉蛋、豆腐、粉絲、蔬菜等,壽喜燒汁唔太濃太甜,温泉蛋好嫩好香,沾了蛋汁的牛肉食落更滑🍜义燒湯稻庭烏冬烏冬彈牙夠煙韌,夠哂大碗,配上兩件义燒同流心蛋,义燒做得幾好,半肥瘦咬落爽口最後我點多碟吉列紫薯粟餅做甜品作結,外皮不厚,炸得金黃香脆,紫薯餡入口軟綿,加上栗子碎粒有咬口,又唔太甜,勁好食