家常麵

營業中

休息中

有事嚟咗黃大仙，完全唔熟悉呢區，肚餓要食嘢，亂咁行，見到呢間小店，食麵🍜同餃子🥟，好似幾啱呢日嘅胃口，咁就決定入去開餐😆$45「招牌冷麵」：食到嘅材料有雞絲、青瓜絲、蒜頭，同埋加咗麵店嘅「自家秘製招牌辣醬」，撈埋一齊幾好味；「冷麵」就好煙韌彈牙😋$18「油菜」：係菜心，菜心細細條大大碟，非常鮮嫩爽脆，簡單好食😋$33「招牌蒸餃(8隻)」：餐牌寫住｛採用「柳葉餃」餡料｝，包括豬肉、韭菜、蔥、紅蘿蔔，即叫即蒸，熱辣辣，味道幾清新😋$8「熱奶茶」：都幾香滑😋食完再加咗4隻「灼餃子🥟」街坊價錢，食得超級飽🤩