新麻蒲 BBQ (新都會廣場) (已結業)

新都會廣場其實真係有好多唔同嘅餐廳，中西日韓泰意都有，好齊全。韓燒嘅就首推新麻蒲。平時見佢晚市超多人排，而且價錢唔平。所以今次去食午市。午市做緊買3送1優惠，如果有3-4個朋友仔，咁就最抵喇。可惜，今次只有2個人，用唔上呢個優惠。一坐低就有幾款唔同嘅前菜：黑椒蘑菇、韭菜、泡菜、海苔，最特別係海苔，酸酸甜甜好開胃，做前菜一流。由於叫咗燒肉，所以送埋爐邊煎蛋，呢個可以任叫，隨時叫人re-fill。我地午餐分別叫咗燒豬肉套餐、火山芝士泡菜炒飯，2個餐都送特色飲品，唔洗額外收費，連埋加一服務費，每人$100有找🤣抵到喊！