台灣麵

營業中

休息中

荃灣呢一個美食中心，真係有好多選擇架。今次試左呢間連鎖嘅台灣菜，睇下係唔係又抵又好味！一試就知，真係好抵食呀。紅燒牛筋牛肉麵個麵有少少辣嘅，係唔食得辣嘅人都接受到嘅程度。牛筋非常軟冧，入口即融，滿口膠原蛋白，牛肉味濃。紅油抄手係韭菜餡嘅，皮薄餡多，配埋醬汁，一啖一粒，食唔停口呀。餡料完勝！！鹽酥雞粒係即炸呀，好脆呀，一入口就感受到佢嘅酥脆。每一粒都幾大粒架，香口嘢真係停唔到口呀！仙貝天葵檸雜花釀杯雜好大杯呀，跟麵加八蚊好抵。酸酸甜甜，好飲。