Outback Steakhouse (已搬遷) 新店位置

outback不嬲都貴， 但係今次係永安買咗個團購， 平均一個人都係百幾蚊，真係勁抵! 原本以為佢會將貨就價， 點知個quality到仲係好好。團購裏面有固定餐， 有魚， 豬肋骨， 雞等， 如果加60蚊仲可以轉西冷牛。個餐一啲都唔馬虎，有湯同埋沙律做頭盤， 仲有呢度最出名嘅黑糖包， 呢個包真係度嘅名物。我哋最終選擇咗食雞同埋加錢食西冷牛， 個雞唔錯，個汁酸味味咁，好開胃，不過個炒飯就麻麻地。個西冷扒真係冇得輸， 好juicy，又大塊，個薯條都正，好脆，淨係碟牛扒已經值回票價，超級滿足。