LAVA Bar & Restaurant (已結業)

今晚黎到位於太子既Lava Bar食晚餐，餐廳位好方便，座位好闊落，佈置得仲幾靚添。西班牙放題有好多樣可以選，一開始可以選生蠔或半隻龍蝦尾。沙律沙律菜好鮮甜，配上蕃茄幾好味。生蠔好大隻，蠔味好濃郁，有礦物質味，好鮮甜。炸雞外皮香脆，肉質嫩滑，調得好惹味。炸魷魚魚肉好彈牙，唔會好油。芝士配凍腸依個配搭好有風味，凍腸好香油脂味，芝士味道好特出，兩種芝士各有特色。西班牙海鮮飯有蜆同蝦，好多材料，個飯煮得好入味，海鮮好鮮甜。青口雖然唔係好大隻，但入口都幾鮮甜。整體黎講，依個放題既資素都幾好，食材本身已經唔錯，再加上食物既款式都好有特色，今餐食得好開心。