萬芳冰室 (已結業)

相信萬芳冰室大家都聽過。佢嘅雞髀係非常出名。咁我之前食過佢個雞髀同埋常餐啦，今次就試吓佢個早餐。我哋大概11點3左右到，好開心原來一個早餐係去到11:30。一入到去就係佢懷舊嘅裝修，令到人哋覺得好舒服。朝早都係冇人排隊啦，以佢嘅早餐選擇嘅配搭亦都非常多，我就揀咗雞扒炒蛋通心粉多士焙底加王牌奶茶。佢嘅份量非常多，我哋都食唔晒。而呢度係非常抵食，大家估吓幾多錢，只係$43。如果大家早上嘅時段喺屯門，我都推介大家可以試吓，係懷舊既地方嘆一個美好嘅早餐。