WOFT (已結業)

好多年前開始已經有幫襯WOFT，地點就腳嘢食又ok，之前多數都係一大班人去gathering，今次同男友去撐枱腳，嗌咗兩個main兩串串燒，都食得好滿足。Main推介龍蝦尾牛肝菌汁意大利飯，牛肝菌汁好creamy，龍蝦尾肉夠爽口，唔係雪到霉晒嘅急凍貨，意大利飯軟硬適中，望落唔係話好精緻但食落真心好正～另一個burger就係較為經濟嘅選擇，最頂嗰粒白蘑菇超級juicy，內餡亦有厚切蕃茄，漢堡扒同麵包中規中矩，最有驚喜係脆卜卜嘅炸薯圈，非常酥脆，開心過食薯條。串燒都係呢度嘅主打，送酒就啱晒！我地叫咗牛舌同雞軟骨，兩者都十分爽口又唔會乾身，推介！