四季良晨 (新都城中心) (已結業)

今日放假同呀媽去左新都城行街，經過見到間台灣野下午茶好抵食，一於入去試一試，等左幾張枱就有得入✨我地叫左一個牛腩台灣麵，揀左麻辣牛肉湯底，湯底好夠味，加埋麻辣油好襯，更加突顯左牛肉湯既香甜👍🏻牛腩亦炆得好淋、入味，成碗湯麵都唔錯✨另外叫左個鹽酥雞排配滷肉飯，雞排份量好勁，大大塊，炸得幾酥脆，而滷肉飯亦都表現唔錯，唔算好細碗，多滷肉多汁😍✨另外加左小食，涼拌黑醋茄子同埋滷水豆腐。涼拌茄子好好食！酸酸甜甜，幾開胃，滷水豆腐就不過不失✨仲叫左一杯黑糖珍珠鮮奶同阿華田脆脆，兩杯都唔錯，好濃郁，但叫左半糖都仍然好甜，大家記得要留意下喇！