澳門樂園茶餐廳 (已結業)

而家早餐冇三幾四十都食唔到D乜！行成條街間間早餐都麻麻地吸引，所以是是旦旦入左呢間。佢個自選早餐，居然有豬頸肉、墨魚鬚、牛𦟌同鴨腎！十分邪惡！就試試沙嗲豬頸肉同醬爆墨魚鬚啦！起初抱住＄34食到D咩丫既心態，點知黎到係餸多過米粉！！！仲有幾條白菜仔食下，幾好！由於我揀既餸都好濃味同heavy，食完真係飽足一日！美中不足既係餸只係微暖，增添左油膩既感覺。豬頸肉好厚，似豬肉多D。墨魚鬚偏韌 ，少D牙力都食唔晒全部。