君戶鍋貼大王 (已結業)

呢間鍋貼都開左一段時間，今次終於有時間坐底食個晏。我簡單叫左一個紅燒牛肉麵，轉麻辣湯底。冬天時食就係暖入心既好美食。當碗麵一到，我差d以為自己睇錯。滿滿既牛肉一碗。就甘數，至少有十多件。心入面一邊暗爽賺到了。平時係其他地方食，一碗六七十蚊先有5至7件牛肉已經係多了。今次仲要40蚊就有甘多，抵到爛啦！就甘一試，麻辣湯底其實好一般，麻同辣既味道不足，反而有d係香辣湯底。但味道幾好既，有辣反而胃口會更好，食得落牛肉。而牛肉，質量不錯，咬落肉質嫩滑，煎過既表面更香口。感覺一分錢，十分貨。牛味不算濃，但勝大大件肉在食得過癮！抵！