逸 壽司 (已結業)

好朋友生日，想同佢食好啲，但佢好好想幫我慳荷包，千叮萬囑唔可以食太貴，唯有揀性價比高嘅餐廳，最終揀到呢間CP值極高嘅Omakase❣️而家諗返都仲好回味呢😋😋我哋叫咗「竹」，包括咗刺身四點、壽司七款、手卷同麵豉湯，前菜仲有枝豆+芥末八爪魚，每人$480，唔洗五百蚊都食到有質素嘅Omakase，真心大推❣️四款刺身全部都好好味，最鍾意大吞拿魚腩伴紫菜同北海道牡丹蝦，勁想encore❤️壽司都好出色，基本上冇嘢可以挑剔，最驚喜嘅係，佢哋仲送咗一客吞拿魚蓉海膽迷你飯比我朋友，賀壽星仔，呢份心意真係好抵讚啊❣️