雲蝶 (已結業)

大圍有幾間環境設計好可愛嘅Cafe，每試一間都有驚喜！今日就過到嚟雲疊花園嘅雲蝶💛食曬字好易記呢間舖細細間但估唔到都幾多嘢食，有熱食又有輕食，今日試咗個卡邦尼意粉，呢個價錢估唔到係咁濃厚，而且絕對唔係現成汁。另一樣想提係超有心思嘅係佢個黑啤雞翼，味道甜甜地仲好香啤酒味，超入味好特別嘅層次感！大力推薦！沙律好清新，塊雞扒一樣煮得好入味質地勁嫩滑。呢間小店食物真係好值得試，主打食物，飲品比較多種類選擇，咖啡係偏台式路線。Btw佢堂食同外賣都係用紙盒膠杯即棄餐具，想走塑嘅朋友歡迎自備呀！