鍾菜 (已結業)

昨日同班friend去行Mega box, 見到有間中式食肆喺附近,就同班friend入去飲茶，原來下午茶2:00-4:00pm做半價，所以有好多人等位,而餐廳仲有一間酒吧,等位個時可以喺酒吧到飲野,飲住等,無咁悶,好得意呀!而且又係happy hour時段,啤酒,cocktail都有半價呀!好抵食!d點心好好食,又新鮮,又夠熱,個魚翅罐湯餃好抵食,真係有魚翅架(雖然唔係太多翅,半價左都係19蚊,算係咁啦)。除左點心, 仲有西式甜品,好好食架, 個法式焦糖燉蛋好滑,個芒果奶凍好啱夏天食呀!我同班friend食左超多野,又點心又甜品,成10幾樣野,埋單都係200幾蚊,抵食!