Neway Karaoke Box

營業中

休息中

今日朋友同我慶祝生日，知道呢度有K唱有K BUFFET食，突登揀呢個地方。佢0係個房仔入面放晒所有野食，就咁睇選擇唔多，但其實佢熱盤不停換款同添加，其實都幾好。有魚, 有菜, 有雞有叉燒，有炒飯，有炒面，有青口，炒蜆，雞亦，雞槌，以上係熱盤，當然仲有野未講，但大致上係呢D啦！仲有沙律BAR, 當然我同意有些食家咁講唔多掂，我都冇食佢既沙律，因為好唔吸引，但叫做俾食素既人有些選擇嘛！仲有一個日本食品COUNTER, 可以點些日本燒物，例如黑椒牛柳粒，金菇牛肉卷，BB鴿，蒜蓉牛柳粒等，即炒，味道都幾OK，我試左黑椒牛柳粒，好惹味！仲有刺身既，每次好似限拿兩款加一件壽司........我見有人問拿多一款，真係好嚴謹，話唔得就唔得！跟住有朋友極度推介既碗仔翅，話超好味，食左幾碗！我食左兩款腐竹糖水，好味！甜品有好多款！當然冇話有邊款特別好味，但叫做多選擇，我個人覺得好滿足！仲有即整PANCAKE，仲有雪糕，都真係算乜都有D啦！最緊要係佢呢個BUFFET只加33蚊，咁多野食，都係33蚊！梗係抵食啦！朋友話而家海嘯價，所以好平！我地加埋一埋單位位113, 真係超抵！我好推介呀！呢度係食平野既好地方