影片
更多
2020-04-24
173 瀏覽
大圍多嘢食就係人都知，今次嚟咗呢間西餐廳，聽聞質素都唔錯，性價比高。兩個人叫咗超值二人餐$638，包左前菜、沙律、湯、意粉、主菜同甜品。香煎法國鵝肝沙律配提子香醋，煎得好香！下面塊多士吸晒鵝肝嘅油份，好邪惡！鵝肝入口即溶，配上提子香醋，甜甜地。Parma ham melon，一人一件，parma ham唔會死咸，不過略嫌哈密瓜唔夠熟。龍蝦帶子湯，龍蝦味濃，雖然冇龍蝦肉，但係就有帶子肉補數！香辣蒜片大蝦意粉，好香口。蒜片就咁食都好甜，大蝦份量多，又夠爽口！炭燒美國肉眼扒，五成熟，仍然保留肉汁！唔乾身又唔會鞋口。最後嘅甜品拼盤包左迷你窩夫配曲奇雪糕、朱古力蛋糕同焦糖燉蛋，窩夫同焦糖燉蛋最好食！整體來講，大概每人三百幾蚊就可以食到咁多高級食材，絕對抵食！
兩個人叫咗超值二人餐$638，包左前菜、沙律、湯、意粉、主菜同甜品。
香煎法國鵝肝沙律配提子香醋，煎得好香！下面塊多士吸晒鵝肝嘅油份，好邪惡！鵝肝入口即溶，配上提子香醋，甜甜地。
Parma ham melon，一人一件，parma ham唔會死咸，不過略嫌哈密瓜唔夠熟。
龍蝦帶子湯，龍蝦味濃，雖然冇龍蝦肉，但係就有帶子肉補數！
香辣蒜片大蝦意粉，好香口。蒜片就咁食都好甜，大蝦份量多，又夠爽口！
炭燒美國肉眼扒，五成熟，仍然保留肉汁！唔乾身又唔會鞋口。
最後嘅甜品拼盤包左迷你窩夫配曲奇雪糕、朱古力蛋糕同焦糖燉蛋，窩夫同焦糖燉蛋最好食！
整體來講，大概每人三百幾蚊就可以食到咁多高級食材，絕對抵食！
張貼
