Cafe 52 (已結業)

Cafe 52本身都唔係太肚餓，不過媽媽話想出街食啲嘢~呢間餐廳開咗冇幾耐一於去試吓。入到到去周圍望吓其他客人食啲咩先，見到每個餐都好大碟，所以我同媽咪決定只係食一個餐，我就加錢轉咖啡🙈🙈🙈照燒汁配香煎雞扒煎蛋飯 $59一嚟到嗰陣嚇親我哋，雞扒真係好大份，有2塊，味道好好。雞扒有醃過，唔係就咁煎熟加醬汁，但醬汁略為有點多，雖然我同媽咪都唔係好肚餓，但個飯真係好大，我哋兩個人食完都好飽，超級抵食。熱杏仁朱古力咖啡 餐+$17香濃咖啡味，唔會過多朱古力，所以唔算好甜，拉花拉得好靚，整體感覺好好。