福岡漢堡扒 (厚福街) (已結業)

福岡漢堡扒位於尖沙咀，見到可以自己燒漢堡扒，幾有趣咁，所以就吸引左我去試試。估唔到好挽得黎味道都唔錯。兩人套餐包左兩份芝士蛋蒜和牛漢堡扒，仲有月見味噲牛丼飯，另外配有泡菜沙律麵豉湯同罐裝飲品。漢堡扒加上拉絲芝士蛋好邪惡，仲有蒜片好香，同漢堡扒味道幾夾。可以根據自己喜好燒到合適嘅熟度，同埋加醬油同鹽作調味，而且過程都幾好挽。見味噲牛丼飯亦都好大碗，夠哂兩個人share，餸埋漢堡扒一齊食亦都得。餐廳每個位都有抽煙系統，將抽煙管對準熱石的位置，再將漢堡扒平鋪在石上燒就可以。石頭嘅溫度好夠，店員都會主動更換石頭，所以都值得一試。