建興亞婆豆腐花

營業中

休息中

適逢平日，同朋友兩人一狗去離島行下，見榕樹灣行去阿婆豆花14分鐘路程，就當行下山啦😅俾完錢拎到埋位坐低一望，咦？碗「豆腐花」個樣咁得意既都試下啦，係有燶味，豆味都👌🏻，糖水係杰身而且阿姐都幾重手，不過個質地唔估點形容......到朋友試畢左一啖入口，就碌大隻眼「咦？！」左一聲，我即刻同佢講，係咪好特別呢？我朋友笑左出聲，大家都知咩事，但成個檔我我地兩個，唔敢笑咁大聲總之回想晒平生食過既所有野食，都無食過呢一種質地，所以比喻唔到呢一種「好獨特」既口感，外形睇起上嚟似布甸，食落有啲一粒一粒好似分子既感覺，但又唔係豆渣咁鞋口。如果鍾意發掘新事物既朋友，不妨試下，最後我清晒成碗咁有特式既豆制甜品，但就無再係南丫島食其他野。