影片
更多
2012-06-27
34 瀏覽
多年舊同學聚會，計埋同學們的老婆同囡囡一行六人，其中一個話呢間餐廳唔錯，成日去屋企附近果間分店，所以提議去呢度。八點去到，成門口都係人，心諗呢間野都幾旺場架喎，應該唔差得去邊。同學們夜收工未來到，拎左位先。有張飛11個人同我差不多時間攞飛（相差只係兩三分鐘），但竟然可以早過我地入去，離奇。間餐廳要我地點左要邊個牛肉餐，揀左湯底先可以入座的，男士們決定咗揀牛肉 + 豚肉之類的餐，因為去過的同學說，其實平同貴牛肉味道都分別唔大，我地女士負責揀湯底，一邊要豆乳湯，我就唔想咁齋，揀左昆布湯底。環境幾好的，方便傾偈。但安排略久妥當，我地五個大人加一個3歲的幼童，竟然畀張4人枱，勉強坐得落，無辦法出面大把人，唔要呢張檯又唔知要再等幾耐，差唔多9點，出面又無位坐，大人等得個細o既都唔會等得，唯有夾硬坐。仲要張檯得四套碗筷，侍應竟然唔拎多兩套，帶左我地去張檯走左去就算。湯底上到，我O咗嘴。一塊昆布都無，點解會叫昆布湯底？ 湯底仲勁少水，淥左一輪已經要加水。可取的是，侍應們會不時睇下我地夠唔夠水，唔夠會主動加。牛肉同豚肉，OK，我地揀的唔係和牛，都肥瘦均勻。只是自助bar的配料真的勁搵笨，幾乎全部都係芝
八點去到，成門口都係人，心諗呢間野都幾旺場架喎，應該唔差得去邊。同學們夜收工未來到，拎左位先。有張飛11個人同我差不多時間攞飛（相差只係兩三分鐘），但竟然可以早過我地入去，離奇。
間餐廳要我地點左要邊個牛肉餐，揀左湯底先可以入座的，男士們決定咗揀牛肉 + 豚肉之類的餐，因為去過的同學說，其實平同貴牛肉味道都分別唔大，我地女士負責揀湯底，一邊要豆乳湯，我就唔想咁齋，揀左昆布湯底。
環境幾好的，方便傾偈。但安排略久妥當，我地五個大人加一個3歲的幼童，竟然畀張4人枱，勉強坐得落，無辦法出面大把人，唔要呢張檯又唔知要再等幾耐，差唔多9點，出面又無位坐，大人等得個細o既都唔會等得，唯有夾硬坐。仲要張檯得四套碗筷，侍應竟然唔拎多兩套，帶左我地去張檯走左去就算。
湯底上到，我O咗嘴。一塊昆布都無，點解會叫昆布湯底？ 湯底仲勁少水，淥左一輪已經要加水。可取的是，侍應們會不時睇下我地夠唔夠水，唔夠會主動加。
牛肉同豚肉，OK，我地揀的唔係和牛，都肥瘦均勻。只是自助bar的配料真的勁搵笨，幾乎全部都係芝士腸、魚蛋、丸子、腐竹呢啲平價野，再加幾種蔬菜，仲有麵同烏冬。（有好幾隻一睇就知百X超市貨色，因我成日買黎煮湯粉做午餐。）
埋單加埋一，居然$810。雖然人工同舖租貴，但每人要畀$160去食魚蛋，呢間野食水真係好深囉。
張貼