影片
更多
2019-03-20
556 瀏覽
小店入面嘅樓底好高，裝修好雅致，有好文青好放鬆嘅感覺，好適合一家人你聚餐或者自己一個嚟呢度放下空。呢度嘅食物選擇都係同一般嘅Cafe差唔多，特別嘅係佢仲有一個任食嘅選擇。鵝肝和牛蘑菇芝士漢堡 轉薯格$163漢堡好大個，塊鵝肝略嫌細塊咗啲，但係味道好夠，亦都冇搶走和牛漢堡扒嘅味道，鵝肝質感好幼滑，無筋，有入口即溶嘅感覺，和牛漢堡扒好多汁，外面煎得香脆，裏面好鬆軟，而且火候啱啱好，仲帶小小粉紅色，上下都有塊芝士夾住，有好豐富嘅口感，蘑菇帶到中和肥膩嘅效果。薯格炸得好香脆，裏面亦都好鬆軟，而且份量好多，兩個人都食唔晒。凱撒燒雞沙律$78個沙律好大份，裏面嘅雞肉都好多，雞肉燒過之後冇乜肥，感覺健康，外皮香脆，裏面就好嫩滑，沙律用咗沙律醋而唔係沙律醬，感覺更加健康。黑醋蜜糖雞翼$58呢個個味道較得好好，酸酸甜甜，而且裏面嘅雞肉都係好嫩，冇話過咗火喉，但係如果個外皮可以用燒或者煎嘅方法，令到個皮香脆啲兼有焦糖嘅感覺，應該會再好食啲，份量好多，一客有六隻。兩個人食咗$340 ，抵食夾大件。
呢度嘅食物選擇都係同一般嘅Cafe差唔多，特別嘅係佢仲有一個任食嘅選擇。
鵝肝和牛蘑菇芝士漢堡 轉薯格$163
漢堡好大個，塊鵝肝略嫌細塊咗啲，但係味道好夠，亦都冇搶走和牛漢堡扒嘅味道，鵝肝質感好幼滑，無筋，有入口即溶嘅感覺，和牛漢堡扒好多汁，外面煎得香脆，裏面好鬆軟，而且火候啱啱好，仲帶小小粉紅色，上下都有塊芝士夾住，有好豐富嘅口感，蘑菇帶到中和肥膩嘅效果。薯格炸得好香脆，裏面亦都好鬆軟，而且份量好多，兩個人都食唔晒。
凱撒燒雞沙律$78
個沙律好大份，裏面嘅雞肉都好多，雞肉燒過之後冇乜肥，感覺健康，外皮香脆，裏面就好嫩滑，沙律用咗沙律醋而唔係沙律醬，感覺更加健康。
黑醋蜜糖雞翼$58
呢個個味道較得好好，酸酸甜甜，而且裏面嘅雞肉都係好嫩，冇話過咗火喉，但係如果個外皮可以用燒或者煎嘅方法，令到個皮香脆啲兼有焦糖嘅感覺，應該會再好食啲，份量好多，一客有六隻。
兩個人食咗$340 ，抵食夾大件。
張貼
