和田便當

營業中

休息中

今日去cyberport見客，聽講呢度係美食沙漠，所以都對呢度餐lunch無期望，諗住都係頹food court，點知見到呢度有間和田便當，好似好high tech，係用機serve，scan code訂飯，再拎飯，都好多人排隊，所以就試下～佢仲有飲品櫃，有好多日本飲品～好似好高質。我同同事一人一盒，我揀左韓式牛肉飯，佢揀左豬肉薯仔～部機幾得意，係咪cyberport d 外賣都會high tech過人？一打開，都好驚喜，肉量好多，飯係珍珠米，我盒牛肉飯仲好似好好味！朋友個豬肉望落好清淡，但唔驚，因為店肉有任拎、獨立盒裝既醬汁，分別係燒汁同蒲燒鰻魚汁～落埋就好有味啦我盒韓式牛肉好好味，係泡菜味，但唔會辣，食落好香！好夠味，牛肉都好味，好耐無食過牛肉丼啦！入面仲有塊玉子，仲有好多唔同配菜，感覺好健康，好豐富～朋友話佢盒豬都好味，仲有芋絲！薯仔入味～不過我就鐘意肥牛呢盒多d，因為有啲辣味，好惹味～飲品方面，我叫左梅汁，就係有梅味既汽水，都幾正，因為我鐘意梅味既飲品～朋友話佢個桃汽水都唔錯～下次黎數碼港我都會再去呢間買飯食！