URBAN Cafe (麗新商業中心)

營業中

休息中

又開咗新嘅貓貓cafe啦😍今次選址荔枝角，比旺角大好多同埋新淨好多，鍾意玩貓嘅朋友又多一個選擇啦☺️最特別係，餐廳可以帶自己嘅貓或者狗仔去，當然，狗仔就要去另外一個區域同埋要遵守佢嘅規則啦。佢嘅lunch set都好豐富，而且成日會轉Menu，唔驚會食到厭😆我哋今次叫咗一份lunch set同埋兩份甜品。因為唔肚餓揀咗沙律，沙律勁豐富，除咗新鮮嘅沙律菜，仲有菲達芝士、合桃、菠蘿、南瓜、紅莓乾等等，個汁酸酸甜甜好開胃。甜品方面有tiramisu同埋今川燒，tiramisu好大份，個底好濕潤，層芝士勁多。而今川燒就係吉士味，出面仲有層厚厚嘅朱古力醬，加埋一層好light嘅cream，配埋一球雪糕，好豐富。飲品選擇都好多，推薦試吓佢嘅精選特調咖啡，唔洗加錢有咁嘅質素好抵。而朋友杯伯爵茶鮮奶加芝士奶蓋都好有驚喜，奶蓋鹹鹹哋，好好味。