魚泉日本料理鐵板燒 (已結業)

星期一有新同事入職, 咁老細就渣車同我地4個人去左魚泉, 佢話咁岩知某信用卡有9折優惠咪過黎試下lor, 黎到之後發現原來時代廣場泊車證可以免費泊兩個鐘車!咁始終係welcoming dinner, 老細都想大家食耐D, 認識下新同事咁, 而呢度都幾靜幾舒服, 都好適合咁我地嗌左個「松」刺身拼盤:裏面有拖羅啦、海膽、牡丹蝦、赤貝、三文魚、池魚王等等, 樣樣都好新鮮, 我最鍾意就係海膽, 入口好香好甜!另外亦都嗌左個特上壽司拼盤同埋上壽司拼盤:特上壽司拼盤有大拖羅、油甘魚、吞拿赤身、海膽、甘蝦、三文魚子等+鐵火卷(鰻魚卷)上壽司拼盤有吞拿赤身、白身魚、尤魚、海膽、三文魚子等+青瓜卷因為一盤唔夠食, 所以就各叫一盤啦~壽司都一樣好新鮮, 食到好飽!另外我地就叫左涷ge滔庭烏冬同幾個串燒有牛舌、鷄軟骨同雞翼, 火喉味道都岩岩好, 不過真係有少少熱氣啦~最後我order左個梅子梳打飲, 真係唔錯!走o個時仲發現原來有免費代客泊車ge優惠可以揀, 都幾適合渣車ge人喎