岩盤牛扒 ミディアムレア ステーキ (博文街) (已結業)

好耐未食過鐵板牛扒, 琴日收工約埋朋友試下大角咀呢間專食牛扒餐廳。唔同嘅牛部位有唔同嘅價錢, 分唔同嘅gram計算, 貨真價實我們先喺門口點好自己喜歡嘅牛扒位置, 再揀重量,跟住收銀會即時切舊肉上磅計重量, 然後就放落去佢嘅大鐵板燒。加埋套餐$28 有白飯, 可樂, 湯, 沙律, 溫泉蛋(五選三)。真係好抵！我揀咗份牛柳部位 400 gram, 真係十分期待 加少少黑胡椒及鹽, 就可以帶出牛扒嘅肉香！牛柳肉質柔軟，口感十足，牛香味濃厚，講真呢個價錢，自己買原材料返去做都係差唔多！