新記車仔麵 (已結業)

出到銅鑼灣2pm都未食晏，一條友係銅鑼灣廣場周邊轉咗個圈，見到有間車仔麵店，裝修舊舊地，應該都開咗好多年，係銅鑼灣可扛得著D租，應該都唔太差，就哩間！通常車仔麵都要魚蛋、豬皮同一D炆餸要又返一定水準先得，今次我點再辣豬皮、豬大腸、通菜望埋去D辣汁好似唔錯，食落又香又辣。豬皮偏淋仍爽有嚼口，味度帶辣偏甜。豬大腸又淋又入味又唔肥膩。一路食一路望牆身餐牌，見到如叫一碟豬大腸要$100唔知會有幾大碟呢……？我點嘅係河粉，河粉吸咗湯入味又夠滑，我怕食嘅所以食得好慢，但河粉冇出現發脹，要讚一讚$40個三餸車仔麵，價錢唔係抵，不過對於我哩D屯門人嚟講，係屯門市周邊食碗麵都係咁上下，如果$40在銅鑼灣食，而又有水準嘅，就感覺都算幾合理。舖入面D姊姊好似細個住屋邨D茶餐廳阿姐咁，如果鍾意去服務好嘅食店朋友，真係要慎入。對於我嚟講，少少粗聲粗氣反而有返D人情味