新星海鮮酒家 (已結業)

２００８／５／１２早餐整晚給氣管問題而導致無覺好瞓，瞓極都瞓不到，歷史性晨咁早(0558)就決定起身。梳洗好後就走去飲早茶。7點2到達，已經有九成公公婆婆嘆緊茶了，早茶市原來是自己搵位的，轉兩個圈才找到一個。先來生菜絲鯪魚球粥，味道粥底較稀，生菜絲認真多，岩哂我，魚肉球有四大粒，不過林劈劈﹑胡椒粉味勁重，只吃了一粒。再來個菠菜鮮蝦餃，皮薄﹑煙韌；菠菜和蝦粒夠爽夠味，點心師傅夠重手，餡料多到幾乎要爆咁濟，又平又好食，必試。兩款也是特價點，埋單價錢和一個大早餐差不多，勝在坐得耐啦﹗阿姐也是以往的粗聲粗氣，預左。