金源餐廳

營業中

休息中

個日早起身，要搵間早開又係巴士站附近既餐廳，係寶鄉橋落車後，就入去試下呢間。之前試過旁邊另一間，但員工服務態度非常失望，有得揀就一定唔會去個間。入到去，員工好nice，又唔會企係旁邊迫你快D落單，坐位舒服度及枱面清潔度一般，開頭都幾焗吓，不過佢地好細心，個日落緊雨，佢見我抹晒汗即刻開埋頭頂部冷氣。食物到咗，唔駛加錢有多士，牛肉都好味，碗通粉都夠熱，杯奶茶就一般，我覺得啱夠茶香，又唔夠滑。 食到差路多時間，就係店門外等巴士。佢賣點係夠近，又早開，見網寫佢開6點，下次如果都要早起，又要係個邊搭車，一定會再黎。