影片
更多
2020-09-28
1824 瀏覽
🎀熊妹去尖咀做面面扮靚靚，難得出到嚟就梗係順便食埋個晚飯啦。📌茶記、西餐食得太多，今次樹熊同熊妹嚟到《好時沙嗲》試吓另類啲嘅東南亞新加坡菜。📌位於尖沙咀好時中心，招牌菜主打沙嗲串燒，所以叫《好時沙嗲》個名一啲都唔難估丫！📌店舖環境唔算太大，根據政府嘅限聚令，主要間隔為四人枱。📌餐牌設計得都頗有心思💕，簡單易明，圖文並茂，特別係顏色上面嘅配搭令人望落感覺好舒服。📌食物分類有湯🍵、牛肉🐮、雞🐥、麵🍜同海鮮🦀。📌另一邊有沙嗲🍢、蔬菜🥦、飯🍚同飲品🍹。海南雞飯，$55📌樹熊不嬲都喜愛海南雞飯，當然要試吓啦。海南雞份量都唔少，有一大碟雞胸位，下邊就有生菜絲🥬承托住。雞肉有啲位嫩滑，有啲位實啲鞋口啲，味道唔係好出，都係要靠三款典型醬汁：酸辣醬、醬油同薑蔥調味。海南雞飯另外嘅經典就係碗雞油飯🍚，最緊要夠熱，撈上雞油，非常可口美味。仲有跟上一碗椰菜清湯，味道淡淡的，可以中和下雞油嘅油膩。星洲炒蘿蔔糕，$61樹熊鍾意食蘿蔔糕，又鍾意食星洲炒米，呢碟星洲炒蘿蔔糕仲唔係非佢莫屬？星洲炒蘿蔔糕味道偏甜，唔係平時食星洲炒米嘅咖喱辣味，不過同樣地有星洲炒米配料嘅蛋絲🥚、肉碎🐷同埋蝦🦐。一嚿嚿蘿蔔糕就係一嚿嚿粉團，
📌茶記、西餐食得太多，今次樹熊同熊妹嚟到《好時沙嗲》試吓另類啲嘅東南亞新加坡菜。📌位於尖沙咀好時中心，招牌菜主打沙嗲串燒，所以叫《好時沙嗲》個名一啲都唔難估丫！
📌店舖環境唔算太大，根據政府嘅限聚令，主要間隔為四人枱。
📌餐牌設計得都頗有心思💕，簡單易明，圖文並茂，特別係顏色上面嘅配搭令人望落感覺好舒服。📌食物分類有湯🍵、牛肉🐮、雞🐥、麵🍜同海鮮🦀。
📌另一邊有沙嗲🍢、蔬菜🥦、飯🍚同飲品🍹。
海南雞飯
$55
97 瀏覽
0 讚好
0 留言
📌樹熊不嬲都喜愛海南雞飯，當然要試吓啦。
海南雞份量都唔少，有一大碟雞胸位，下邊就有生菜絲🥬承托住。
雞肉有啲位嫩滑，有啲位實啲鞋口啲，味道唔係好出，都係要靠三款典型醬汁：酸辣醬、醬油同薑蔥調味。
海南雞飯另外嘅經典就係碗雞油飯🍚，最緊要夠熱，撈上雞油，非常可口美味。
仲有跟上一碗椰菜清湯，味道淡淡的，可以中和下雞油嘅油膩。
星洲炒蘿蔔糕
$61
75 瀏覽
0 讚好
0 留言
樹熊鍾意食蘿蔔糕，又鍾意食星洲炒米，呢碟星洲炒蘿蔔糕仲唔係非佢莫屬？
星洲炒蘿蔔糕味道偏甜，唔係平時食星洲炒米嘅咖喱辣味，不過同樣地有星洲炒米配料嘅蛋絲🥚、肉碎🐷同埋蝦🦐。
一嚿嚿蘿蔔糕就係一嚿嚿粉團，完全食唔到任何蘿蔔絲或者蘿蔔粒或者蘿蔔味，可能期望得太多會有點失望。
叻沙
$51
58 瀏覽
0 讚好
0 留言
📌樹熊主菜叫咗碟飯，咁熊妹就叫多碗麵啦。
麵食就當然唔少得新加坡主菜叻沙喇。
叻沙即係椰汁咖喱米粉，椰汁咖喱湯底非常濃郁同惹味，熊妹雖然知道飲湯底即係等於飲油，但是一次半次，唔怕啦。
配料有魚蛋，豆腐卜同芽菜，少咗一般叻沙應有嘅蝦、魚片同半隻蛋。
魚蛋幾彈牙，芽菜同豆腐卜索哂咖喱湯汁，真係值得一試嘅喇沙湯味。
沙嗲
$51
36 瀏覽
0 讚好
0 留言
星馬菜，熊妹最鍾意就係食沙嗲串燒，因為串串烤肉，撈上沙嗲醬汁，真係好惹味。
份量有半打，雞、牛、豬各兩串。
烤肉燒得香香的，本身烤肉時已經搽上沙嗲醬汁好夠味，仲跟上一碟另一款甜甜的粒粒花生沙嗲醬，熊妹就沒有多點了，始終原汁原味係最好味。
📌有飯，有麵，有小食，四樣食物埋單$270，話貴唔貴，不過味道平平，都係食返茶記好過啦。🥴
張貼
