好時沙嗲

營業中

休息中

今次黎食香港少有嘅新加坡菜，佢就係開起絕對少人嘅好時中心，不過就相對多人食嘅好時沙嗲。巴東牛肉，根據朋友所言，佢起熱嘅時候唔酸，起半熱嘅時候半酸，起4分之1熱嘅時候4分之3酸，唔熱嘅時候唔酸，相當神奇，一款菜居然起唔同時候有唔同味道，相當不推薦喱款蝦咖哩 ! 一般貨色吧，咖哩有D好似蝦頭嘅味，蝦就有D梅有D唔梅。唔好怪我影得咁樣衰，佢上到黎已經係咁嘅樣。入面包住嘅係雞，明顯醃得太犀利，黑椒落得太多，所有雞呀、葉呀，乜味都冇晒，不推薦。排骨湯，一般貨色，不過一場黎到，你冇可能唔整番碗飲掛，必點。一打串燒，D沙嗲醬酸酸地，一般貨色，不過一場黎到，你冇可能唔整番串食掛，必點。塞飽你嘅咸魚芽菜飯，炒得幾好，粒粒分明加乾身，味道......未炒飯囉，你話想食D有特色D嘅野食？不過一場黎到，你冇可能食唔飽就走佬掛，必點。PS 喱一次嘅經歷，就好似起死城裏面突然找到人類聚居地嘅感覺。