GUM "JENG!" X 御前上茶 (已結業)

食完晚飯行下，見到有糖水就開始口痕🙆🏻🙆🏻見到呢間外觀幾好，又好似主打日本綠茶嘅甜品咁，靚靚哋，所以就同男朋友行入去試吓食啦😬😬佢外觀都好靚裝修得幾好，好日本嘅感覺咁👍🏻👍🏻我覺得佢應該係主打日本綠茶嘅甜品啦！所以我就叫咗個御前綜合聖代，有綠茶雪糕嘅！男朋友就叫咗個貓山王御前雪糕綜合😋出乎意料地，呢個似乎係主打日本綠茶甜品嘅鋪頭，綠茶係做得不太好嘅🤔🤔🤔我叫嘅呢個綠茶雪糕，綠茶味唔太多🤦🏻‍♀️玄米係幾好味嘅，但係佢鋪底嘅綠茶啫喱，綠茶味就爭小小啦🤔🤦🏻‍♀️紅豆都唔錯🤔可以再起多啲沙！反而榴槤嘅就真係做得唔錯！個貓山皇雪糕真係好榴槤！個甜品一搬出嚟就勁大浸榴槤味😋😋😋榴槤味勁到坐隔離枱唔食榴槤嘅真係頂唔順😂😂😂食落榴槤味好重好滿足👍🏻👍🏻佢仲有大概一球嘅榴槤蓉，配雪糕簡直一流！再加多一個榴槤大福，可惜個大福個皮真係厚咗啲！但係係足料嘅👍🏻👍🏻👍🏻但係佢呢個質素呢個價錢個人就覺得有啲貴啦！