金裝燉奶佬餐廳 (嘉湖新北江)

營業中

休息中

尋日同屋企人去呢度食午餐，雖然係星期日，但都唔算太多人。我地叫左個牛腩雲吞河、雞翼米線同加錢要芒果西米露。牛腩雲吞河牛腩好韌，好難先咬得開。雲吞又唔係好食，只係一般貨色。呢個餐仲要成二十七蚊，呢個價錢仲有好多選擇。雞翼米線只係得三隻雞翼，好彩雞翼新鮮炸好。個米線都算爽口彈牙，但當然只係好普通既貨色。值得一提，佢地既雞翼係預先分開上。芒果西米露呢個甜品講起就把幾火，我想走椰汁，但侍應話唔得。呢個都算啦，個甜品放左係出餐位好耐都無人送過來。我差D想自也己行過去俾自己食。個甜品芒果份量好少，仲要好細粒。今餐真係好麻麻，如果無甜品食，真係可以俾喊臉。