犀牛犀牛 (富貴大廈東座) (已結業)

最近經常要買外賣，所以有機會就試下呢間開咗一段時間嘅外賣店。就咁睇佢Menu款式好多，有吐司同手捲餅，亦有台式飲品，好有台灣嘅感覺。而且見到佢開咗好多分店，所以都有一定嘅期望。點知食咗呢兩次都覺得好普通，應該冇咩機會都唔會再買。𝟙. 韓式醬燒牛五花捲餅呢個捲餅都唔平，要$47。裏面得幾條洋蔥，連菜都係得兩細條，好唔足料，味道係好普通。𝟚. 芋泥肉鬆蛋吐司呢個芋泥肉鬆吐司仲衰，我懷疑佢冇落到肉鬆比我，方包連麵包皮煎，又唔脆，咬落去淨係食到方包加蛋嘅味道，芋泥得少少味。俾咗$35食啲我自己都整到嘅味道。