影片
更多
2022-08-01
1179 瀏覽
今晚適宜食北京菜，遙思北平。🪑環境：特色中國風裝修，勁多打咭位，好適合帶外國遊客嚟，我後面都坐咗一枱日本人。🔊若七成以上坐滿會嘈，餐廳有四個包廂，想靜靜地傾偈可以問吓可否坐包廂。🚾少少污糟。🐷紅燒丸子竟然有11粒肉丸！感覺係細粒版本嘅獅子頭，外皮應該有煎香過，有少少硬身，裏面有肉味，唔會太軟淋。性價比之選👍🌟推薦指數：7.5/10🐑孜然羊肉羊肉粒都幾多，口感鬆軟，香料係好有新疆風嘅孜然味，配菜有大蔥絲+芫茜，全碟都比較重口味。🌟推薦指數：7/10🍆鐵鍋燒茄子上枱鐵板出曬煙，好有鑊氣！茄子好多汁，釀咗豬肉增加結實彈牙嘅口感，幾好食。🌟推薦指數：8.5/10🍝擔擔麵 $78得好淡花生味，湯底太稀唔掛麵，麵質唔煙韌，麻麻地。🌟推薦指數：5/10🍠拔絲山藥 $88誇張造型好適合打咭。糖皮甜脆，山藥爽口，整體尚算可以，但下次揀香蕉之類軟嘅餡會好食啲，山藥太爽唔係好夾。🌟推薦指數：6.5/10整體而言，小菜一般$100左右，算係尖沙咀經濟之選，好過去對面K11食京菜（K11 Art mall食片皮鴨果間性價比好差），而如果有外國遊客嚟香港，我一定會帶佢地嚟呢間餐廳！📍 北京老家 (尖沙咀)尖沙咀加
🪑環境：特色中國風裝修，勁多打咭位，好適合帶外國遊客嚟，我後面都坐咗一枱日本人。
🔊若七成以上坐滿會嘈，餐廳有四個包廂，想靜靜地傾偈可以問吓可否坐包廂。
🚾少少污糟。
🐷紅燒丸子
竟然有11粒肉丸！感覺係細粒版本嘅獅子頭，外皮應該有煎香過，有少少硬身，裏面有肉味，唔會太軟淋。性價比之選👍
🌟推薦指數：7.5/10
🐑孜然羊肉
羊肉粒都幾多，口感鬆軟，香料係好有新疆風嘅孜然味，配菜有大蔥絲+芫茜，全碟都比較重口味。
🌟推薦指數：7/10
🍆鐵鍋燒茄子
上枱鐵板出曬煙，好有鑊氣！茄子好多汁，釀咗豬肉增加結實彈牙嘅口感，幾好食。
🌟推薦指數：8.5/10
🍝擔擔麵 $78
得好淡花生味，湯底太稀唔掛麵，麵質唔煙韌，麻麻地。
🌟推薦指數：5/10
🍠拔絲山藥 $88
誇張造型好適合打咭。糖皮甜脆，山藥爽口，整體尚算可以，但下次揀香蕉之類軟嘅餡會好食啲，山藥太爽唔係好夾。
🌟推薦指數：6.5/10
整體而言，小菜一般$100左右，算係尖沙咀經濟之選，好過去對面K11食京菜（K11 Art mall食片皮鴨果間性價比好差），而如果有外國遊客嚟香港，我一定會帶佢地嚟呢間餐廳！
📍 北京老家 (尖沙咀)
尖沙咀加拿分道25-31號國際商業信貸銀行大廈8樓
張貼
