佳佳粉麵店

營業中

休息中

我喺大角咀返工，經常都會過嚟食 一入到去首先要企喺面檔前面自選要乜嘢面底，要唔要菜，然後開始揀餸必食嘅餸菜係豬大腸，用滷水汁煲咗好耐非常之入味。 蘿蔔好甜，而且份量好足大大嚿炸雲吞皮，呢個係個人喜好，佢係預先炸好左，你叫嘅時候會用另外一隻碟上。喺OpenRice見到有其他人差評，完全理解唔到嗰啲人係咩心理。 幾個店員睇落個樣，好似應該係一家人幾姊妹，佢哋非常之禮貌，同埋細心。 有時聽到有警察嚟抄牌，即刻會提醒揸車嚟嘅食客。 環境雖然睇落好夠有種80年代嘅感覺，但係相比起其他老店，佢都好乾淨企理。