老馮茶居 (海寶花園)

中秋竪日晚上，女友有節目，於是俾阿爸阿媽捉左去試呢間老馮茶居！阿爸阿媽早幾日試過話好好食，咁就梗係跟佢地走一趟試試佢啦！我地叫左幾樣野，包括：燒賣、鯪魚球、叉燒腸粉、糯米雞同砵仔芋頭蒸排骨。我地仲encore左燒賣同叉燒腸，以上5款黎講除左糯米雞麻麻地之外，全部都好好食！先講講個糯米雞先，糯米其實夠淋夠咬口既，但可惜內裡餡料唔係咁豐富，同餡汁又唔係好香，所以只能講普普通通！至於燒賣，真係超好食，又大粒豬肉又多又夠滑，好食過好多大酒樓既燒賣！而鯪魚球，就好香好彈牙又好大粒，加少少胡椒粉，真係好開胃，同埋你會食到佢d魚肉束好有魚味，通常出面食都冇乜味因為溝左好多其他餡料。叉燒腸份量都夠多，又夠滑，所以我地都叫左兩碟！最後係個芋頭砵仔蒸排骨，用上南乳汁黎蒸，而且芋頭蒸到淋晒又入晒味，超開胃，而且排骨亦都好滑好彈牙，唔會好韌亦都冇話蒸都林pat pat，所以呢間喺大埔區黎講，點心質素都可以話數一數二好食，地膽推介！