影片
更多
2019-07-18
48 瀏覽
為咗食乞衣雞同埋烤鴨，今日專誠帶埋屋企人嚟中環食晚飯。首先登場嘅係粉絲蒸帶子皇，帶子皇盛載住大量蒜蓉，帶子皇新鮮，啖啖肉，份量十足，味道不錯。煙燻豉油雞都係值得一試嘅菜式之一，調味比例啱啱好，既有豉油嘅香氣，又唔會過鹹，外層香脆，肉質香嫩，蝦片脆卜卜，好食。期待已久嘅北京烤鴨，份量十足！店員會幫手切開一片片，方便大家進食。除咗有傳統嘅調味料之外，亦都有泰式辣醬等等既新配料，幾有新意，而且味道出奇地搭配。而烤鴨可以用「皮脆肉嫩」黎形容，仲有適量嘅油香，加埋班戟般既外皮，味道更上一層樓。傳統嘅乞衣雞係用泥土包住雞肉，而呢間餐廳好有創意，竟然諗到用曲奇代替泥土，所以呢隻乞衣雞由外到內都係可以食得既！曲奇脆卜卜，味道冇咩特別，而雞肉好香口滑嫩。暴風松葉軟殻蟹帶有少少辣勁，香口惹味，不過油份就比較上重手左。除左唔同嘅特色小菜，最特別嘅係唔同口味嘅cocktail，包括丁香、八角、黑蒜同四川胡椒等等。黑蒜偏向重口味，帶點辛辣嘅快感，口感刺激。而丁香就比較溫和得多，甜甜地，好容易入口。呢度既 Cocktail 玩味十足，得閒都可以同朋友過嚟飲杯野～
首先登場嘅係粉絲蒸帶子皇，帶子皇盛載住大量蒜蓉，帶子皇新鮮，啖啖肉，份量十足，味道不錯。
煙燻豉油雞都係值得一試嘅菜式之一，調味比例啱啱好，既有豉油嘅香氣，又唔會過鹹，外層香脆，肉質香嫩，蝦片脆卜卜，好食。
期待已久嘅北京烤鴨，份量十足！
店員會幫手切開一片片，方便大家進食。
除咗有傳統嘅調味料之外，亦都有泰式辣醬等等既新配料，幾有新意，而且味道出奇地搭配。而烤鴨可以用「皮脆肉嫩」黎形容，仲有適量嘅油香，加埋班戟般既外皮，味道更上一層樓。
傳統嘅乞衣雞係用泥土包住雞肉，而呢間餐廳好有創意，竟然諗到用曲奇代替泥土，所以呢隻乞衣雞由外到內都係可以食得既！曲奇脆卜卜，味道冇咩特別，而雞肉好香口滑嫩。
暴風松葉軟殻蟹帶有少少辣勁，香口惹味，不過油份就比較上重手左。
除左唔同嘅特色小菜，最特別嘅係唔同口味嘅cocktail，包括丁香、八角、黑蒜同四川胡椒等等。
黑蒜偏向重口味，帶點辛辣嘅快感，口感刺激。
而丁香就比較溫和得多，甜甜地，好容易入口。
呢度既 Cocktail 玩味十足，得閒都可以同朋友過嚟飲杯野～
張貼
