印度薄餅皇

營業中

休息中

之前揸車經過呢條街，見到有間自稱「印度薄餅皇」，裝修都乾淨整潔，一直被佢吸引著，你知啦，好多所謂正宗印度餐廳都感覺好污糟，見呢間四四正正，我就即管畀次機會佢😂 我自己一個食，叫左個行政set lunch, 逢星期一至五既平日先有，可以自選三款咖哩，包一杯飲品。食得出個咖哩膽係有分別，唔係清一式煲定一大煲，之後見order再加餸個種，味道好香濃，聞到就即刻想食。有些大商場good court 會有印度野食，見到都係印度人煮，但係同呢間相比，係「無！得！比！」咖哩角亦非常出色，內裡薯蓉加左D香料，好香，辣度亦適中，好想食多隻！薄餅亦真係值得稱皇，有咬口，又香口，唔係一舊粉，亦食得出係自己搓既質素，好香麵粉味。店內四四正正，亦充滿印度裝飾我會再返來食！大家都可以放心試試。