台北巷弄 (已結業)

今日心血來潮突然想食台灣野嘅鹽酥雞，無得去旅行喪食野，唯有近近地搵間台灣食店外賣番屋企過下癮啦。揀左個鹽酥雞扒便當🍱佢包埋一碗湯，另外我再加配左一個小食同野飲。鹽酥雞扒便當雞排係另外隔開，吾係直接放落魯肉飯上面，拎到番屋企都仲脆口，食落啲雞都幾嫩滑。另外有啲青瓜粟米粒做配菜都幾開胃。佢個湯飲落都好夠味，有菜又有木耳，吾錯！甜不辣食落個口感彈牙QQ～都有六七塊，份量足夠。仙草凍奶茶叫左少冰少甜，都已經夠甜，奶味香濃，都吾錯。如果有得熱飲真更好啦～食晒所有野好滿足😋p.s. 佢對外賣筷子都幾特別，啲花紋幾靚，同一般外賣筷子吾同。