阿肥火鍋 (已結業)

第一印象呢間餐廳實在太靚太靚！八九十年代嘅設計做得好細緻，作為一個餐廳，理應有啲位置點都走唔甩現代嘅感覺，但呢度完全無遺和感，連放醬油嘅位置都有好舊香港嘅感覺。食物質素都好好，「胡椒豬肚雞湯」好岩依加涼涼地嘅天氣，胡椒好暖身，入面竟然有半隻雞，淨係食雞都飽了！推介呢一款「豬朋好友」豬拼盤，每樣部分都有少少，岩晒好似我地兩個人來食，樣樣都試到。豬內臟都新鮮，無咩腥騷味。呢度啲丸類都好有心思，手打黑豚肉丸入面係咸蛋黃，將平平無奇嘅丸加分；芝士墨魚丸夠彈牙。總括阿肥火鍋係近來我見過最有心思嘅火鍋店，唔會因為裝修靚，野食就唔掂，每方面都做得好平均，值得推介！