北海道爐端燒 (已結業)

放左工同男朋友黎尖沙咀食日本野，於是就揀左呢間黎食。我地兩個人都算大食，叫左個炸雞軟骨、明太子玉子燒、海鮮丼飯、煙肉芝士奶油意大利粉同燒魚。個炸雞軟骨都幾香脆，熱辣辣，都算不錯既小食。明太子玉子燒係我最喜愛既一道菜，玉子燒得非常厚，而且唔易散，配埋明太子食，又甜甜地鹹鹹地，好好食！個海鮮丼飯就無咩特別，嫌d刺身好似唔夠新鮮，而且個飯好似本身落左豉油，雖然唔鹹但都係鐘意自己落多d，同埋個飯比較乾身，覺得麻麻地。個意大利粉比較水少少，無咁creamy，食落唔漏，就覺得好似差少少。個燒魚魚肉都幾多，但成條魚味道偏淡，可能要自己diy 落鹽先夠味。