豊勝手丼 (已結業)

@銅鑼灣放工同朋友去咗「豊勝手丼」食日本嘢，好耐冇食啦！呢到嘅食物質素唔錯，價錢都合理。裝修好精緻，有去咗日本嘅感覺。豐盛刺身盛合$288Salmon, Sea Urchin, Red Shrimp, Tuna, Bloody Clam, 一份有十二件，擺盤都好靚！影相一流啦！三文魚都油脂感好充足，同啲高級食材都有得揮！海鮮五色丼$248Salmón, Yellow Tail, Red Shrimp, Scallop, Purple Sea Urchin 啲魚嘅用料新鮮，我最中意粒帶子嘅鮮味！個飯係日本米加咗啲醋，食落好煙韌。生燒鰻魚$198鰻魚燒得好香，個表面仲好脆卜卜添。同平時照燒嘅感覺好唔同，又幾好食！岩鹽燒安格斯肉眼$188我地叫多咗塊排，有好多蛋白質！肉質鮮嫩多汁，岩鹽令佢嘅香味更加突出。唔會太熟，口感一流。波子汽水$36童年回憶梗係要叫嚟飲下，一樣咁好飲。感覺返晒黎！信州蘋果梳打$36蘋果汁好香，偏甜。