粵來順 (已結業)

呢間飯店其實幾出名㗎，都係米芝蓮級，晚飯成日都好多人，今日趁住晏晝冇咁迫嘅時候過嚟試佢嘅午飯。午市套餐經濟實惠，好多款唔同餸菜可以揀，坐低又有壺靚茶，用嘅杯碟有舊式茶樓嘅味道。店舖唔算大，但係因為有兩邊落地玻璃，感覺好開陽。醬爆豚肉藕片— 非常惹味，鑊氣又夠，肉片爽滑彈牙，藕片食落爽脆，好好餸飯。滷水鵝片— 滷水汁好入味，鵝片肉質嫩滑，仲有幾片豆腐，平衡一下滷水嘅鹹味！菜乾湯— 跟餐加8蚊就有，湯味濃郁又清甜，絕對係老火靚湯!晏晝唔算好多人，可以慢慢坐飲下茶，享受透入店鋪嘅自然光，感覺都幾悠閒。