Antoshimo Cafe & Bakery (Mikiki) (已結業)

舊年去完沖繩食個呢間既炸包，新鮮熱辣好味道，今日專程黎回憶當日既味道，香港分店食物選擇多好多，最後無位食炸包，反而食左其他野，好飽呀！我叫左個漢堡扒加黑烏冬~跟餐付有1份芝麻醬豆腐，烏冬同d餸會分開上，再俾個爐煮呀煮，好似打邊爐咁，又玩得又食得，漢堡扒得一件仔，味道亦無乜特別，撈黑烏冬亦唔係特別菜，但作為烏冬恐 我收貨男友叫左黑糖檸檬汁雞柳配椰香淡咖喱炊飯 （炊飯可以轉唔同款，唔洗跟set）,set配有1份紫薯＆芝麻醬豆腐，雞件同炊飯分開上，再俾個爐你自己煮！紫薯好味，可以炸到內脆外軟，雞件雖然知係急凍貨，但味道可以炸得都唔差，都幾滑架！椰香淡咖喱炊飯真係好似佢既名咁，有椰香同咖喱飯味 （我好似講緊廢話）仲有另上芝士架！最後每人都有“無料添加”海鹽焦糖donut....呢個不得了，超級好味！！！最底有焦糖，放上一件donut...donut上再加雪糕，雪糕上有海鹽，側邊仲有紫薯蓉，成個甜品味道都好夾，我諗就算要加錢，都會加黎食，真心大推 另外，我覺得呢個既服務好好，當晚full house...得2個staff, 佢每次黎都會話 “唔好意思等咁耐”， 又會話我地聽有咩野飲揀，有咩要加