666泰船麵 (仁愛街) (已結業)

食得泰國野通常一叫都幾款例牌，每人幾舊水落樓都走唔甩。但呢間就唔同喇，佢大部份既飯同麵都係有大細size選擇，方便哂唔大胃但又想試多幾款既人，又抵食又唔浪費。*豬肉船金邊粉*呢碗粉認真抵食。份量大，啲餸足料，湯底又煮得夠入味。以呢個價錢黎講性價比冇得彈。*泰式海南雞飯*大大碟既啖啖爽滑嫰口雞肉配油飯，岩哂我呢啲肉食動物。呢個又係超值推介必食之選。*豬肉串燒*豬肉加上美味醬汁燒到香脆可口，係串上面唔洗好用力整出黎，因為啲肉好爽口一啲都唔un*泰式炸魚餅*呢個係最平價但又係數一數二好食既。魚餅炸出黎既唔會有太多油/油味，所以本身魚肉既味就幾乎係原汁原味咁保留住。魚肉彈性十足，好容易食完一塊又一塊，正！總括今餐係味道價錢份量加埋性價比超高既一餐，好值得推介。