農耕記 湖南土菜 (新寶廣場)

營業中

休息中

之前聽同事講過返大陸有好多好野食，而農耕菜就係其中一間。 我冇返大陸食過，但冇諗到原來而家竟然開到黎香港，咁就即管去試下。 黎到佐敦呢間農耕菜，都幾大間，門口又好大，個佈置幾靚，好多鄉下既原素。坐底冇耐，已經陸陸續續好多客人入黎，果然好受歡迎。 本身佢自家配既蜜桃茉莉花茶已經好香，跟住再試左佢地招牌既凍檸檬茶，超大杯不特只，仲真係好好飲，佢地自已特製既真係香好多。 跟住就叫左幾個菜，青椒炒臘肉，雖然係叫正常，都有啲辣，好野味。 而且佢既臘肉真係有鄉下既風味，切得又薄，真係犀利。雪豆酸菜肉茉好清爽，都有啲辣，配飯食最正。香椿炒蛋係真係唔辣既餸，炒得有啲碎，但就係家鄉既特色，椿都好脆。 最後食埋佢地有趣既糍粑油條甜品，好新奇，炸得好脆，上而仲有黑芝麻糖粉，唔會好糖又解辣。 果然係好食。