星巴克咖啡 (已結業)

裝修好特別嘅starbucks嗰日抽完血，諗住行去旺角東地鐵站，點知行咗一半都唔夠，就突然全身冇力，見到附近得間starbucks就拿拿臨行上去。樓梯位置已經好特別，寫咗好多嘢，好有年代感，不過攰得滯，冇留意寫咗啲咩。上到去見人唔多，有位，好感動。因為擔心自己會唔舒服，所以叫咗牛角包再加杯咖啡，coffee of the day，牛角包會主動幫我加熱，熱咗之後都好脆，幾好味。至於咖啡，會問加唔加奶或者糖，我揀咗加奶，佢哋好好咁會問埋加凍奶定熱奶🥰最開心係人唔多又有半個鐘wifi，可以好好休息下。之後有力影咗啲相，因為唔小心去咗一間咁有特色嘅星巴克，梗係要影相留念。