Pizza Maru (已結業)

喺韓國曾經試過食個芝加哥pizza，返咗香港之後一直都想搵下有冇一樣嘅Pizza可以試吓，最近上網見到呢度開咗一間芝加哥Pizza嘅韓式餐廳，所以就同朋友嚟咗呢度試吓啦！因為我哋今次得兩個人，所以我哋叫咗半份炸雞同埋一個pizza，但其實我哋兩個都係食唔晒嘅。🤤呢度嘅Pizza份量好足，入面有好多好多嘅芝士，而且一上枱嘅時候都好熱，所以芝士亦都可以做到拉絲嘅效果。而且佢嘅Pizza邊味道甜甜地，好可以解左芝士既膩😋😋而佢呢度嘅炸雞，我覺得比起出面嘅炸雞店仲好食！因為佢嘅雞肉一咬落去係充滿肉汁！唔會好似而家一般嘅炸雞店咁樣，咁乾身。