伊太屋 (已結業)

銅鑼灣多美食係人都知，但一直以為天后係食物沙漠，又點會估到原來天后有一個咁特別既餐廳! 去到門口聞到藝術既氣味，裝修好有特色，淨係個氣氛已經勁舒服，真係收工會想黎鬆一鬆既餐廳～難得約齊人聚餐，梗係唔睇價錢放肆咁叫野食啦～ 我地叫左一份冷盤，兩份熱盤，兩份主食加一份甜品~ 首先冷盤係魚子醬海膽安格斯牛他他，呢個他他有酸青瓜，洋蔥粒，所有材料都打得好碎但又有嚼口。跟住既熱盤有香燒焦糖鵝肝配黑松露蟹籽北海道帶子，鵝肝係唔錯，油份幾高，味道濃~ 帶子同鵝肝分開食係唔錯既，但放埋一碟味道上有啲唔夾，同埋底下既多士太薄又唔夠脆，不過誠意同創意加分! 另一個熱盤係香脆天婦羅海鮮雪糕筒。見好多人推介，個賣相又特別，人叫我又叫返個先~ 厚身既雪糕筒裝住炸海鮮同沙律菜，呢個食法幾新奇特別~ 夾住雪糕筒加沾提供既兩個醬味道都唔錯第一份主食係流心咸蛋黃炒有機意大利粉配烤燒北海道帶子，意粉彈牙，都掛到汁係讚既。帶子有四粒，整體份量都算合適。第二份既主食係店員極力推介既香燒海陸海驚喜寶盒，成個月光寶盒咁~ 店員話呢個係最新推出，真係早一日黎食都叫唔到呀。 海鮮都幾新鮮，種類同份量都算多。店員後尾仲比多個醬汁我地，