SupBurwich (已結業)

途經大角咀呢間外賣店，見佢啲嘢食幾有特色，尤其🥪豬扒桑多同🌭黑松露蘑菇.真.蟹肉熱狗，仲要即叫即整，忍唔住要試下😋😋🎉厚切豬扒桑多Sando🥪 $48😍呢個厚切豬扒桑多真係不得之了，不但賣相吸引，而且份量十足，一份已經塞滿成個外賣盒😋，未食已經令人食慾大增。🥩豬扒非常之足料，目測有成吋厚，炸到外脆內嫩兼彈牙多肉汁，🍞麵包嘅上下兩面都烘得脆口，中間夾滿紫椰菜絲、甘荀絲，再配上酸酸甜甜好開胃嘅沙律醬汁，整個配搭非常健康美味又飽肚，果然係必食之選啊💯❤🎉黑松露蘑菇.真.蟹肉熱狗🌭️ $73我一見到有黑松露既熱狗就兩眼發光，仲要加埋蟹肉，真係好難抗拒啊🤩。份量大大份好足料，🌭熱狗包烘到外脆內軟，黑松露醬和熱狗係分開pack，慢慢將黑松露醬倒出，香濃嘅黑松露味隨即芳香撲鼻，蟹肉和黑松露多到令成個醬料變得好濃稠😋，食起上嚟個層次提升多幾級，令成個熱狗食落豐富又好好味啊🤗💖🎉SupBur拼盤A $78有啤酒薯條🍟、薯餅x2、雞翼x2、魷魚圈🦑全部即叫即炸，份量多而且炸得好酥脆。🦑魷魚圈彈牙爽口啖啖肉😋 又唔油膩，炸啤酒薯條🍟咬落脆卜卜，有好淡嘅啤酒香。薯餅同雞翼就正正常常，不過不失🤗。